Uzovela enkantolo osolwa ngokubulala amawele akhe

2017-04-19 09:31

Cape Town – Udokotela wamazinyo waseSpain osolwa ngokubulala amawele akhe aneminyaka emithathu ubudala nangokwesabisa ukubulala lowo owayengumkakhe kulindeleke abuyele eNkantolo kaMantshi yaseWynberg ngoLwesithathu.

UMario-César Deus Yela, 48, ubhekene namacala amabili okubulala nelilodwa lokweba imoto.

UYela akavelanga enkantolo ngokwedlule – mhlaka 2 Ephreli – ngenxa yokuthi wayethola ukwelashwa esibhedlela njengoba alimela esiswini.

Kukholakala ukuthi wayeqashe umuzi eseholidini emasontweni amathathu edlule ezovakashela indodana yakhe eneminyaka eyisikhombisa ubudala kanye namawele akhe.

OLUNYE UDABA: IDie Stem ingcolisa iculo lesizwe - EFF

Kuthiwa kwakulindeleke abuyele eSpain mhlaka 6 Ephreli.

Ngomhlaka 6 Ephreli, uYela wathumelela lowo owayengumkakhe umyalezo, uJulia Engelhorn, ethi abazodla isidlo sasemini.

Ngesikhathi efika, kuthiwa wamtshela ukuthi usewabulele amawele. Ingane yesithathu yona yayisesikoleni.

U-Engelhorn wafonela esikoleni ebazisa ukuthi uYela angavunyelwa ukuba azolanda indodana yabo. UYela waboshwa ku-M3.

- News 24

Isimo sezulu
Emigwaqweni
iLotto
Cpt: 17-21°C Showers late. Morning clouds. Cool. Pta: 16-22°C Morning clouds. Mild.
Jhb: 13-21°C Afternoon clouds. Mild. Bloem: 15-28°C Mostly sunny. Warm.
Dbn: 20-32°C Sunny. Warm. PE: 19-25°C Rain late. Afternoon clouds. Mild.
Isibikezelo sezulu sezinsuku ezingu-7...