Ukuzivocavoca kwehlisa amathuba okushona kwabesifazane asebekhulile

2018-01-28 13:31

London - Abesifazane asebekhulile ngokweminyaka, abazinikeza isikhathi sokuzivocavoca, basemathubeni amahle okuphila isikhathi eside uma beqhathaniswa nontanga yabo abangayinaki eyokuzivocavoca, kusho ucwaningo lwaseMelika.

Lolu cwaningo lwenziwe ngabesifazane abangaphezu kuka-17 700 kanti abangu-72 kubona bacelwa ukuba bagqoke ama-accelerometers (okuyithuluzi elikala umnyakazo womuntu) zonke izinsuku.

Abacwaningi balandela laba besifazane cishe iminyaka eyevile kwemibili. Kuleso sikhathi kwashona abesifazane abangu-207 kubona.

OLUNYE UDABA: Ucwaningo luveza umkhuba omusha ogilwa uma kwenziwa ucansi

Kuthe uma abacwaningi sebehlukanisa laba besifazane bababeka emaqoqweni amane ehlukene, bathola ukuthi labo abazikhandlayo uma bezivocavoca, baqhelelene ngo-70% nokufa.

Abukho ubufakazi bomehluko wempilo kulabo abazivocavoca kancane.

“Indaba yokuthi ukuzivocavoca ngokuzikhandla kwehlisa izinga labantu abashona besebancane, ayiyona into entsha - sekukaningi ucwaningo luveza imiphumela efanayo," kusho umlobi walolu cwaningo u-I-Min Lee waseHarvard Medical School.


- Reuters

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 16-20°C Rain late. Mostly cloudy. Mild. Pta: 11-27°C Sunny. Pleasantly warm.
Jhb: 9-24°C Sunny. Mild. Bloem: 6-25°C Sunny. Mild.
Dbn: 17-27°C Sunny. Warm. PE: 12-25°C Sunny. Mild.
Isibikezelo sezulu sezinsuku ezingu-7...