Udilikajele kunesi owabulala izaguga ezingu-8

2017-06-27 12:30

Ontario — Ijaji limgwebe udilikajele lowo owayengunesi waseCanada owalahlwa amacala okubulala izaguga ezingu-8 ezazinakekelwa nguyena.

U-Elizabeth Wettlaufer utshele inkantolo ngoMsombuluko ukuthi uyaxolisa kusukela ekujuleni kwenhliziyo yakhe futhi wethemba ukuthi imindeni yezisulu izothola ukuthula nokwelapheka enhliziyweni.

Unesi oneminyaka engu-50 ubudala uwavumile amacala angu-8 okubulala ngenyanga edlule, namane okuzama ukubulala kanye namabili okuhlukumeza.

OLUNYE UDABA: Kuboshwe owesilisa ngaphandle kwePhalamende

Iziphathimandla zithe amacala enzeka esikhathini esiyiminyaka eyishumi ezikhungweni ezintathu zase-Ontario ake wasebenza kuzona uWettlaufer.

UWettlaufer wavuma ukuthi wasebenzisa i-insulin kuwona wonke amacala angu-14 enzeka phakathi kuka-2007 kuya ku-2016.

- AP

Isimo sezulu
Emigwaqweni
iLotto
Cpt: 14-16°C Rain. More clouds than sun. Cool. Pta: 10-25°C Sunny. Mild.
Jhb: 7-21°C Sunny. Mild. Bloem: 5-22°C Sunny. Mild.
Dbn: 17-26°C Sunny. Mild. PE: 13-21°C Scattered tstorms late. Afternoon clouds. Mild.
Isibikezelo sezulu sezinsuku ezingu-7...