Owesilisa ufike kwakhe wathola owesifazane enqunu embhedeni

2017-10-19 14:00

Anderson, California — Amaphoyisa aseCalifornia athi owesilisa ufike emzini wakhe wathola owesifazane angamazi elele enqunu embhedeni wakhe.

Owesilisa ongadalulwanga igama utshele amaphoyisa ukuthi waqale wabona iphasela ngasemnyango womuzi wakhe ose-Anderson okuyindawo engamakhilomitha angu-241 ukusuka eSacramento ngesikhathi efika.

Kuthe uma esengena endlini, wabona isemishi elilunyiwe kanye nobhiya ovuliwe.

Uthi waqaphela ukuthi iphakethe likagwayi wakhe lalingekho lapho lihlala khona.

OLUNYE UDABA: Ugwaze uyise, wabulala izingane zakwabo 'obefuna ukusala yendwa endlini'

Ngemva kwalokho wathola owesifazane elele embhedeni wakhe enqunu, wabe esefonela abe-911.

Amaphoyisa athi uMichelle Watkins, 33, wagqoka izingubo zakhe, wahlala phambi komnyango walinda kwaze kwafika amaphoyisa.

Wabe eseboshwa kanjalo ngecala lokugqekeza.

Lona wesifazane kubikwa ukuthi wanikezwa ibheyili ka-$25 000 (okuyimali engalinganiselwa ku-R320 000).

- AP

Isimo sezulu
Emigwaqweni
iLotto
Cpt: 17-24°C Sunny. Mild. Pta: 19-26°C Numerous showers. Cloudy. Warm.
Jhb: 17-22°C Heavy rain. Mostly cloudy. Mild. Bloem: 16-30°C Sunny. Warm.
Dbn: 23-27°C a few tstorms. More clouds than sun. Warm. PE: 20-22°C a few showers. More sun than clouds. Mild.
Isibikezelo sezulu sezinsuku ezingu-7...