Lizoxoshwa iphoyisa elathi ‘babulala abantu abamnyama kuphela’

2017-09-02 11:08

Georgia – Iphoyisa elingumlungu laseGeorgia, eMelika, elaqoshwa kwi-video ngesikhathi kunesivimbamgwaqo lithi “sibulala abantu abamnyama kuphela” lizoxoshwa, kusho izikhulu.

Isikhulu samaphoyisa aseCobb County, uMike Register, utshele izintatheli ngoLwesine ukuthi useluqalile uhlelo lokudabula inkontileka kaLieutenant Greg Abbott.

I-video eyaqoshwa ngoJulayi 2016 itshengisa imoto emiswe eceleni komgwaqo. Kuzwakala umuntu wesifazane ongumlungu etshela u-Abbott ukuthi uyesaba ukwelula izandla zakhe athathe umakhalekhukhwini ngoba usaba ukuthi angase adutshulwe, kusho umbiko wesiteshi sikamabonakude i-WSB-TV.

U-Abbott ube esemngena emlonyeni athi: “Kepha awuyena umuntu omnyama nje wena. Khumbula, sibulala abantu abamnyama kuphela, uyezwa?”

U-Abbott, osebe yiphoyisa iminyaka evile kwengu-20, umisiwe emsebenzini ngesonto eledlule njengoba bekusaqhubeka uphenyo.

Buka i-video ngezansi:

- AP

Isimo sezulu
Emigwaqweni
iLotto
Cpt: 10-18°C Sunny. Mild. Pta: 9-24°C Sunny. Mild.
Jhb: 7-20°C Sunny. Mild. Bloem: 4-20°C Sunny. Mild.
Dbn: 17-22°C Partly cloudy. Cool. PE: 12-20°C Morning clouds. Mild.
Isibikezelo sezulu sezinsuku ezingu-7...