Libekwe icala iphoyisa elibulale indoda ebifuna ukuzibulala

2017-12-06 12:30

Oklahoma City - Iphoyisa lase-Oklahoma City, eMelika, elidubule labulala indoda ebisabisa ngokuzibulala, libekwe icala lokubulala, kusho amaphoyisa.

OyiDistrict Attorney uDavid Prater ngoLwesibili uvulele uSergeant Keith Sweeney icala ngesigameko esenzeka ngomhlaka-15 Novemba okwadutshulwa kuso uDustin Pigeon oneminyaka engu-29 ubudala.

Amaphepha afakwe enkantolo abengenalo igama likalowo omele uSweeney kuleli cala.

OLUNYE UDABA: Iphoyisa libulale abasolwa abathathu lalimaza ababili lase lizidubula lona

Amaphoyisa athi uSweeney nelinye iphoyisa babizelwa endaweni yesigameko bafike bathola ukuthi uPigeon uzama ukuzibulala. Amthola ephethe uketshezi olubhebhethekisa umlilo kanye ne-lighter.

Amaphoyisa athi elinye iphoyisa elalihamba noSweeney ladubula eceleni kukaPigeon ngenhloso yokumexwayisa kepha wangakhuzeka, uSweeney wabe esedubula uPigeon washonela khona lapho.

UCaptain Bo Mathews uthe uSweeney uselivini ekhokhelwayo.

- AP

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 12-20°C Showers late. More sun than clouds. Mild. Pta: 11-28°C Sunny. Pleasantly warm.
Jhb: 10-25°C Sunny. Mild. Bloem: 8-26°C Sunny. Pleasantly warm.
Dbn: 20-26°C Morning clouds. Mild. PE: 12-23°C Sunny. Mild.
Isibikezelo sezulu sezinsuku ezingu-7...