Kutholakale amakhanda kuma-cooler ngaphandle kwamahhovisi

2017-11-29 12:31

Mexico City - Kutholwe amakhanda amabili kwi-cooler box ngaphandle kwesiteshi somsakazo iTelevisa edolobheni laseMexico eGuadalajara, kusho iziphathimandla ngoLwesibili.

Akucaci ukuthi awobani la makhanda, kodwa le cooler box ibinomyalezo osabisayo osayindwe yiqembu lezigebengu iJalisco New Generation Cartel, kusho iphoyisa kuleli dolobha elisentshonalanga yezwe.

OLUNYE UDABA:Kushaqeke abasebenzi basemtholampilo 'kudubulana amaqembu ezigebengu'

Elinye iphoyisa liqinisekisile ukuthi i-cooler box ibishiywe ngaphandle kwamahhovisi esiteshi somsakazo iTelevisa. 

Yize kunjalo, abezindaba bathi ukutholakala kwala makhanda kuqondiswe emaphoyiseni, hhayi kwabomsakazo.

Khonamanjalo kulo leli dolobha, iziphathimandla zithole enye i-cooler box enomyalezo osabisayo obhekiswe kwijaji kwaphinde kwatholakala nesikhwama esigcwele izicubu zomzimba womuntu, kusho leli phoyisa.

Womabili la maphoyisa anqabile ukudalulwa amagama awo.


- Reuters

Isimo sezulu
Emigwaqweni
iLotto
Cpt: 17-21°C Showers late. Morning clouds. Cool. Pta: 16-22°C Morning clouds. Mild.
Jhb: 13-21°C Afternoon clouds. Mild. Bloem: 15-28°C Mostly sunny. Warm.
Dbn: 20-32°C Sunny. Warm. PE: 19-25°C Rain late. Afternoon clouds. Mild.
Isibikezelo sezulu sezinsuku ezingu-7...