Kushone 6 wabantu kuwa ibhilidi ebelisakhiwa

2017-04-11 11:00

Mexico City — Ingxenye yebhilidi ebelingakaqedwa ukwakhiwa ibhidlikile eMexico City ngoMsombuluko, kwavaleleka abasebenzi ngaphakathi, kwashona abayisithupha kwalimala abangu-9, kusho izikhulu.

Isikhulu sezokuVikelwa koMphakathi eMexico City, uFausto Lugo, sithe abatakuli basebenzise izinja kanye neminye imishini ekhethekile ukuthungatha abasebenzi ngaphansi kwezitini.

OLUNYE UDABA: Kuboshwe 'onqume' indodakazi ngoba inaka kakhulu uFacebook

Isigameko senzeke lapho bekwakhiwa khona indawo yokupaka izimoto enxanxatheleni yezitolo enhlokodolobha yaseMexico.

Abantu abangu-9 abalimele bangeniswe ezibhedlela ezahlukene, ngokusho kweziphathimandla.

Umshushisi Gustavo Omar Jimenez uthe sekuqaliswe uphenyo ngembangela yokuwa kwesakhiwo nangenhloso yokuthola ukuthi ngabe imvume yokwakha ibisemthethweni yini.

- AP

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 17-21°C Sunny. Cool. Pta: 18-33°C Sunny. Pleasantly warm.
Jhb: 17-28°C Sunny. Pleasantly warm. Bloem: 15-28°C Drizzle. Morning clouds. Warm.
Dbn: 20-26°C Heavy rain. Breaks of sun late. Mild. PE: 15-19°C a few showers. More clouds than sun. Cool.
Isibikezelo sezulu sezinsuku ezingu-7...