Ibhungu livume icala lokubulala nelokudlwengula intombazanyana

2017-12-13 07:00

Salt Lake City – Ibhungu elineminyaka eng-18 ubudala livume icala lokudlwengula nelokubulala elenzeka ngo-2015.

Leli bhungu kuthiwa laluthela intombazane eneminyaka engu-12 ubudala emzini wakubo ngemuva kokuyitshela ngekati elilahlekile.

UJayden Matthew Sterzer ulivumile icala lokudlwengula enkantolo yezingane ngoMsombuluko.

Wayeneminyaka engu-15 ubudala ngesikhathi amaphoyisa ethi waklinya uKailey Vijil wamshiya emadlelweni.

OLUNYE UDABA: Abantu abangaziwa bavulele ngenhlamvu emngcwabeni, kwashona ababili

USterzer kulindeleke alivume necala lokubulala enkantolo yabantu abadala njengoba kwenziwe isivumelwano sokuba uzogcinwa ejele lezingane aze ahlanganise iminyaka engu-21 ubudala.

I-Associated Press phambilini yayingalisho igama lomsolwa ngenxa yokuthi wayesayingane futhi icala lakhe lalisenkantolo yezingane.

Kugcine kutholakale ukuthi ukulungele ukuba abhekane namacala akhe ngemuva kokwelashelwa isifo somqondo esingadalulwanga.

- AP

Isimo sezulu
Emigwaqweni
iLotto
Cpt: 18-22°C More sun than clouds. Cool. Pta: 18-30°C Drizzle. Morning clouds. Pleasantly warm.
Jhb: 17-26°C More sun than clouds. Warm. Bloem: 15-27°C Rain early. More sun than clouds. Warm.
Dbn: 21-31°C Isolated tstorms. Broken clouds. Warm. PE: 19-25°C Passing showers. More sun than clouds. Mild.
Isibikezelo sezulu sezinsuku ezingu-7...