I-Italy ixoshe abantu abangu-40 baseNigeria 'ngenxa yobugebengu'

2017-04-05 14:03

Cape Town – Balinganiselwa ku-40 abantu baseNigeria ababuyiselwe ezweni labo ngezinsolo zokubandakanyeka ezenzweni zobugebengu.

Ngokwemibiko ye-Woleshadare.net, usomlomo wamaphoyisa aseLagos uCommander Joseph Alabi uqinisekise ukubuyiswa kwalaba bantu.

"Abantu abangu-39 basolwa ngokwenza ubugebengu bokungena kuleliya lizwe kanti oyedwa ubebandakanyeka kwesokushushumbisa izidakamizwa," kusho u-Alabi.

OLUNYE UDABA:I-Nigeria igxeke ukuhlaselwa kwabokufika

Laba bamukelwe ngamaphoyisa ophiko lwe-Nigerian Immigration Service,  nophikol lwe-National Agency for the Prohibition of Trafficking.

Ngokombiko ovela kuleli lizwe, bayizinkulungwane abantu baseNigeria abafudukela kwelase-Italy befuna amadlelo aluhlaza.

Akusibona bonke abaphumelelayo ukungeniswa ngokusemthethweni ezweni nokuyinto eyenza abanye bazame izindlela zokungena ngomgunyathi.


- News24

Isimo sezulu
Emigwaqweni
iLotto
Cpt: 18-22°C More sun than clouds. Cool. Pta: 18-30°C Drizzle. Morning clouds. Pleasantly warm.
Jhb: 17-26°C More sun than clouds. Warm. Bloem: 15-27°C Rain early. More sun than clouds. Warm.
Dbn: 21-31°C Isolated tstorms. Broken clouds. Warm. PE: 19-25°C Passing showers. More sun than clouds. Mild.
Isibikezelo sezulu sezinsuku ezingu-7...