Ukubihlika komhlaba kubulale 17 e-Indonesia

2013-02-18 14:03

Manado - Izingane ezine ziphakathi kwabantu abangu-17 abashone ngempelasonto maphakathi ne-Indonesia kulandela izimvula ezinamandla nokubihlika komhlaba, kusho izikhulu ngoMsombuluko.

Izingane, ezineminayaka ephakathi kwemibili  kanye neyisishiyagalolunye, zishonile kanye nabadala abangu-13 ngesikhathi izikhukhula zihlasela ezingxenyeni ezisenyakatho neSulawesi Island ekuseni ngeSonto, kusho okhulumela ezezinhlekelele esifundazweni uHowke Makawarung etshela i-AFP.

"Bangu-17 esithole ukuthi bashonile. Zonke izidumbu zitholakale ngeSonto,” usho kanje, waqhuba wathi izimvula ezinamandla zihlasele ezindaweni ezintathu, kuhlanganisa inhlokodolobha yasesifundazweni saseNorth Sulawes,i iManado.

Amanzi, agugule izindlu ezibalelwa ku-5 000 eManado, ehlile ngoMsombuluko kanti izakhamuzi seziqalile ukuhlanza amakhaya azo.

Ukubihlika kodaka kudlule nomphefumulo womfana oneminyaka eyisithupha ubudala.

"Ubegeza ekuseni ngesikhathi udaka lushaya indlu,” kusho iPhini leMeya uHarley Mangindaan, etshela i-AFP.




 - Landela IzindabaNews24 kuTwitter


- Sapa - AFP

NEXT ON NEWS24 ISIZULUX
Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 9-14°C Mostly sunny. Cool. Pta: 6-22°C Sunny. Mild.
Jhb: 3-17°C Sunny. Mild. Bloem: -1-14°C Sunny. Refreshingly cool.
Dbn: 12-17°C More sun than clouds. Cool. PE: 9-16°C More sun than clouds. Cool.
Isibikezelo sezulu sezinsuku ezingu-7...