Ona-65 ubusiswe ngamawele amane

2015-05-24 14:07

Berlin – Owesifazane, 65, waseGermany ubelethe amawele amane esibhedlela esiseBerlin ngesonto eledlule, nosekubeka ku-17 inani lezingane anazo.

Lezi zingane zabafana ezintathu nentombazane eyodwa zibelethwe singakashayi isikhathi, nokho kuthiwa zisesimweni esigculisayo, kusho umbiko wesiteshi sikamabonakude i-TRL.

U-Annegret Raunigk usevele unezingane ezingu-13 nabazukulu abayisikhombisa.

OLUNYE UDABA: Isalukazi, 65, sikhulelwe amawele amane

Isimemezelo sokukhulelwa kwakhe ngenyanga eyedlule sasuka omkhulu umsindo eGermany, kuthiwa bekungafanele akhulelwe ngenxa yeminyaka yakhe.

URaunigk, onguthisha, wafakelwa amaqanda nesidoda ukuze athole la bantwana, kanti manje usemabhukwini omlando ngokuba ngowesifazane omdala kunabo bonke emhlabeni ukubeletha amawele amane.

- Times Live

Phawula kulolu daba
2 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 14-21°C Sunny. Cool. Pta: 18-28°C More sun than clouds. Warm.
Jhb: 15-25°C Drizzle. Morning clouds. Warm. Bloem: 10-23°C Sunny. Mild.
Dbn: 17-19°C Rain showers. Breaks of sun late. Cool. PE: 15-22°C Scattered showers. Morning clouds. Cool.
Isibikezelo sezulu sezinsuku ezingu-7...