Kushone ingane kubungazwa uNcibijane

2013-01-01 14:00

Manila - Umfanyana oneminyaka emine ubudala ushonile kwathi abanye abantu abangaphezu kuka-200 balimala ngesikhathi kuqhunyiswa ukhilikithi nezibhamu kubungazwa uNcibijane ePhilippines, kusho izikhulu.

Umfanyana ushaywe yinhlamvu ephaphalazile, lokhu kwenzeke esekhaya kubo eMandaluyong City, eManila, kusho okhulumela amaphoyisa uJesus Visagre.

Bangu -18 abantu abadubulekile, kusho umbiko wamaphoyisa.

Intombazanyana eneminyaka eyisikhombisa ubudala isesimweni esibucayi kulandela ukuthi idubuleke ekhanda, kusho uNobhala eMnyangweni wezeMpilo u-Enrique Ona.

U-Ona uthi sebengu-405 abantu abalinyazwe ngokhilikithi kusukela mhlaka-21 Disemba.

"Kumele kubukelwe kwamanye amazwe ukuthi enzenjani wona ukugwema izingozi zikakhilikithi. Kumele kuqine nemithetho ngokuthengwa nokuqhunyiswa kwawo,” kusho u-Ona.



 – Landela Izindaba News24 kuTwitter (@IzindabaNews24).


NEXT ON NEWS24 ISIZULUX
Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 17-25°C Sunny. Mild. Pta: 17-18°C Heavy rain. Mostly cloudy. Mild.
Jhb: 14-15°C Tons of rain. Mostly cloudy. Cool. Bloem: 14-18°C a few showers. Morning clouds. Mild.
Dbn: 19-20°C Numerous showers. Mostly cloudy. Cool. PE: 18-24°C Mostly sunny. Mild.
Isibikezelo sezulu sezinsuku ezingu-7...