Kushone 17 kuhlaselwa e-Iraq

2013-01-16 12:03

Baghdad - Izehlakalo zokuhlasela  eBaghdad zidlule nemiphefumulo yabantu abangu-17 kwalimala abangu-168 ngoLwesithathu, kusho izikhulu zokuphepha nabezempilo.

Ukuhlasela okwenzeke edolobheni iKirkuk lapho kuqhume khona ibhomu ebisemotweni ebicushwe yidelakufa, kudlule nemiphefumulo yabantu abangu-10 kwalimala abangu-140, ngokusho kwesikhulu esiphezulu sezempilo esifundazweni uSadiq Omar Rasul.

Esinye isehlakalo sokuqhuma kwebhomu esenzeke edolobheni iTuz Khurmatu, sidlule nemiphefumulo yababili kwalimala abangu-26 kusho izikhulu, kanti kwezinye izehlakalo ezintathu ezihlukene ezenzeke eBaghdad zishiye kufe abanhlanu.

Alikho iqembu eseliphumele obala ngalesi senzo kodwa amasosha eSunni kuhlanganisa ne-al-Qaeda e-Iraq bajwayele ukuqhuba udlame ngenhloso yokunyakazisa uhulumeni.

Lokhu kuhlasela kwakamuva kwenzeke ngemuva kosuku kubulawe ilungu lePhalamende leSunni entshonalanga yeBaghdad, u-Ayfan al-Essawi kulindeleke ukuba afihlwe ngoLwesithathu eFallujah.


 - Landela IzindabaNews24 kuTwitter


- Sapa - AFP

Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 13-16°C More sun than clouds. Cool. Pta: 13-32°C Sunny. Pleasantly warm.
Jhb: 12-27°C Sunny. Pleasantly warm. Bloem: 13-31°C High level clouds. Pleasantly warm.
Dbn: 19-29°C Afternoon clouds. Warm. PE: 14-18°C More clouds than sun. Mild.
Isibikezelo sezulu sezinsuku ezingu-7...