Kunyukile ukubulawa kwabakuhulumeni e-Afghan

2013-02-19 12:02

Kabul - Ukuhlaselwa kwabasebenzi bahulumeni wase-Afghan ngamavukelambuso kunyuke ngesibalo esethusayo okungu-700% ngonyaka odlule ngesikhathi lapho isibalo sokubulawa kwamalungu omphakathi sona sehle okokuqala eminyakeni eyisithupha, kusho i-UN ngoLwesibili.

"Iyakhathaza kakhulu eyokubulawa okuqondiswe kwabesifazane abasebenzela uhulumeni okwenziwa amasosha eTaliban,” kusho abe-UN abasebenza e-Afghanistan embikweni wonyaka omayelana nezehlakalo zokuhlaselwa kwamalungu omphakathi.

Bangu-2 754 abantu abashone ngenxa yezinxushunxushu zangonyaka odlule, lesi sibalo sikhombisa ukwehla ngo-12% uma kuqhathaniswa nango-2011, nokubeka isibalo sababulewe eminyakeni eyisithupha eyedlule ku-14 728, kusho umbiko.

"Ngesikhathi isibalo sokubulawa kwamalungu omphakathi sona sehlile ngo-2012, amavukelambuso ayaqhubeka ngakolunye uhlangothi ukuhlasela engenandaba nempilo yomphakathi,” kusho umbiko.

Isibalo sabantu ababulawayo abathathwa ngokuthi ngabalandeli bahulumeni, kuhlanganisa abasebenzi bakhe, abaholi bezenkolo, abaholi bendabuko kanye nabantu abayingxenye yokudala ukuthula sikhuphuke ngo-108% safinyelela ku-1 077.


 - Landela IzindabaNews24 kuTwitter


- Sapa - AFP

NEXT ON NEWS24 ISIZULUX
Phawula kulolu daba
0 izimpawulo
Faka ukuphawula kwakho
Phawula 0 izinhlamvu esezisele
Isimo sezulu
Emigwaqweni
iLotto
Cpt: 9-14°C Numerous showers. Afternoon clouds. Cool. Pta: 6-23°C Sunny. Refreshingly cool.
Jhb: 3-19°C Sunny. Refreshingly cool. Bloem: 7-20°C Sunny. Refreshingly cool.
Dbn: 17-29°C Sunny. Pleasantly warm. PE: 16-22°C Mostly sunny. Mild.
Isibikezelo sezulu sezinsuku ezingu-7...