Kungqongqiswe obesolwa ngokuthakatha
2013-02-08 07:24
Port Moresby - Owesifazane osolwa ngokuthakatha wokhelwe ngomlilo phakathi kwabantu abangamakhulu abebezobukela ePapua New Guinea, nokuyisigameko esingakaze sibonakale kulesi siqhingi, kusho amaphoyisa ngoLwesihlanu.
Ukubulawa ngesihluku kukaKepari Leniata, 20, sekuthole ukugxekwa okukhulu ngundunankulu wezwe.
ULeniata uhlubulwe wasala ngesudi yesele, washiswa ngensimbi, waboshwa izandla nezinyawo, wabhunyelwa ngophethiloli wabe esokhelwa ngomlilo elele engqumbeni yamathayi nezibi eMount Hagen, kusho okhulumela amaphoyisa uDominic Kakas.
Izibukeli zibe sezithatha izithombe, abanye bejabula ngokubulawa "komthakathi".
ULeniata ushiye ingane eyodwa.
- Landela
IzindabaNews24 kuTwitter
- Sapa - AP