Kungenzeka ukuthi kulimale nabase-Australia eNZ

2011-02-22 12:50

Sydney - UNdunankulu wase-Australia uJulia Gillard uthe izwe lakhe alizilungiselele ekutheni kungenzeka ukuthi kukhona abantu bakuleliya lizwe abashonile eNew Zealand, ngesikhathi kunokuzamazama komhlaba okudlule nemiphefumulo yabantu abangu-65.

UGillard uthe bangu-8,000 abantu base-Australia abaseCanterbury, nalapho kuhlasele khona ukuzamazama komhlaba edolobheni laseChristchurch ngoLwesibili, kuwisa amabhilidi.

"Kungenzeka ukuthi kube khona abantu base-Australia abalimele, abavalelekile noma abashonile kulesi sigameko," kusho undunankulu.

"Kumele sizilungiselele ngesimo esikanjalo."

Kuzothunyelwa amathimba amabili ezokutakula ukuze ayosiza eNew Zealand. UGillard uthi kuzothunyelwa nethimba lezempilo, njengoba ethi i-Australia iyabazi ubuhlungu obuzwiwa iNew Zealand kulandela ukuthi ihlaselwe isiphepho esinamandla nezikhukhula ezabulala inqwaba yabantu.

- Sapa - AFP

NEXT ON NEWS24 ISIZULUX
Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 10-14°C Sunny. Cool. Pta: 7-20°C Sunny. Mild.
Jhb: 3-14°C Sunny. Cool. Bloem: 0-10°C Sunny. Cool.
Dbn: 11-15°C Morning clouds. Cool. PE: 7-14°C a few showers. Morning clouds. Cool.
Isibikezelo sezulu sezinsuku ezingu-7...