Kucekelwe phansi inkambu ye-UN eGaza

2011-07-28 12:24

Gaza City - Okhulumela i-UN uthi amadoda ayishumi ahlasele acekela phansi inkambu yabo esetshenziselwa ukukhempa izingane eGaza Strip ehlobo.

UChris Gunness, okhulumela i-UN Relief and Works Agency (UNRWA), nelekelela izifikanamthwalo zasePalestine, uthe lesi sakhiwo esisenyakatho ntshonalanga neGaza sihlaselwe phakathi kwamabili ngoLwesithathu.

"Izigilamkhuba zicekele phansi ama-billboard, zashisa ifulegi le-UN kanye nengxenye yesiteji. Kodwa abalimalanga abezokuphepha abebekuleya ndawo," kusho uGunness.

Lokhu kuhlasela kuze emuva kokuthi izingane ezizoza ekhempeni ye-UNRWA zizwakalise ukuthi zifuna ukuqopha umlando emhlabeni wonke jikelele wokundizisa amakhayithi amaningi kuleya ndawo.

UGunness uthe bacele izikhulu zendawo ukuthi ziphenye ngalokhu kuhlasela.

"Like" ikhasi lethu ku-Facebook uze ukwazi ukujoyina inkulumo ngolimi lakho.

Landela IzindabaNews24 kuTwitter.

- Sapa - AFP

NEXT ON NEWS24 ISIZULUX
Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 14-16°C Passing showers. Morning clouds. Cool. Pta: 2-19°C Sunny. Mild.
Jhb: 2-14°C Sunny. Refreshingly cool. Bloem: 0-13°C Morning clouds. Cool.
Dbn: 10-22°C Sunny. Cool. PE: 13-15°C Showery. More clouds than sun. Cool.
Isibikezelo sezulu sezinsuku ezingu-7...