Zijabhile izimfamona ngenkomfa ye-ANC - Zuma

2012-12-21 11:01

Bloemfontein - Abantu bebecabanga ukuthi kuzophela nya nge-ANC eMangaung ngesikhathi kuqhubeka ingqungquthela yokuqokwa kobuholi nokubekwa kwemigomo yeqembu, kusho uMengameli Jacob Zuma ngoLwesihlanu.

"Abaningi bacabanga ukuthi kunempi eqhubekayo ku-ANC. Bebethi le nkomfa ngeke iphumelele," esho esidlweni sasekuseni ebesihlelwe yiphephandaba iThe New Age, eBloemfontein.

"Abantu bese bevele bebhale uhlelo lomngcwabo ngaphambi kwale nkomfa."

Uthe kungenxa yezimiso zenhlangano nakuba i-African National Congress isekhona.

UZuma uqumbe phansi uKgalema Motlanthe ngesikhathi kubangwa esobumengameli kuleli sonto.

"Siyakholelwa entandweni yeningi ku-ANC," kusho uZuma.

"Amalungu e-ANC anikwe ithuba lokucabanga ngokukhululeka enze nesinqumo esiyimfihlo kodwa akhulume ngakho.

"Abantu-ke lokhu bakuphambanise nokuklwebhana,” usho kanje.

Ngesikhathi kuqhubeka inkomfa, ephele ngoLwesine, i-ANC iqoke ubuholi obusha.


 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter

- SAPA

NEXT ON NEWS24 ISIZULUX
Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 10-14°C Mostly sunny. Cool. Pta: 15-28°C Showers early. More sun than clouds. Pleasantly warm.
Jhb: 12-22°C Showers early. More sun than clouds. Mild. Bloem: 5-18°C Sunny. Mild.
Dbn: 14-18°C Scattered showers. More clouds than sun. Cool. PE: 12-18°C More sun than clouds. Mild.
Isibikezelo sezulu sezinsuku ezingu-7...