Luyanda udlame emajele - Ijaji

2013-01-23 12:03
Yabelani Shicilela

Durban - Luyanda udlame lwasemajele nakuba nezinhlelo zokuqwashisa iziboshwa ngendlela ezingadlulisa ngazo izikhalazo zazo nazo ziqiniswa, kusho iJaji uVuka Tshabalala, kubika iSowetan.

UTshabalala uyijaji eliphenya ngokufa kweziboshwa ejele laseFree State iGroenpunt Prison.

"Iziboshwa azineme futhi azanelisekile ngezinto eziningi ezifana nokudla, kanye nezimo ezihlala ngaphansi kwazo,” kusho uTshabalala ekhuluma esehhovisi lakhe eThekwini.

"Lokhu ngikwazi ngoba sengike ngaqondana ngqo nazo iziboshwa.”

Uthe umphenyi wakhe ngoMsombuluko uqalile ukuxoxisana neziboshwa zaseGroenpunt Prison ezahanjiswa kwamanye amajele, kulandela imibhikisho eyaba semasontweni amabili edlule.

Uthe bazohlanganisa umbiko ozothunyelwa esikhulwini esiphezulu sebhodi elengamele ukusebenza kwamajele.

Isikhulu esiphezulu sizobe sesiwuhambisa ePhalamende, kuNgqongqshwe wezokuHlunyeleliswa kweziMilo kanye nakukhomishina kazwelonke.

"Sinawo amandla okudlulisela lolu daba kuNPA uma sibona ukuthi kube nobugebengu.”

UTshabalala ulindele ukuba uphenyo luphothulwe emasontweni ambalwa ezayo.


 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter


- News24

Phawula kulolu daba
0 izimpawulo
Faka ukuphawula kwakho
Phawula 0 izinhlamvu esezisele
Ezifundwe ukuzedlula zonke
Ezi-emailwe ukuzedlula zonke
Ezithasiselwe ukuzedlula zonke
Isimo sezulu
Emigwaqweni
iLotto
Cpt: 10-21°C High level clouds. Mild. Pta: 8-22°C Sunny. Mild.
Jhb: 5-17°C Sunny. Mild. Bloem: 4-16°C Sunny. Cool.
Dbn: 14-23°C Morning clouds. Mild. PE: 11-23°C High level clouds. Mild.
Isibikezelo sezulu sezinsuku ezingu-7...