INingizimu Afrika ijabulela umbhedo - Umbono

2013-02-04 13:59

Durban - Ukaputeni weqembu lesizwe iBafana Bafana, uBongani Khumalo uthi iqembu liyabonga kakhulu ngokwesekwa okukhonjiswe yiNingizimu Afrika.

NgoMgqibelo iBafana idlale umdlalo wayo wokugcina, ikhishwa yiMali eMoses Mabhida, eThekwini.

Yize noma abaningi beyithulela isigqoko iBafana, uPhumlani Shabalala akaboni kanjalo, uthi abantu bajatshuliswa yize leze:

Iqiniso ukuthi akubona abadlali abangamela izwe laba abakade bedlala, kwaKhune lona onconywayo kwayena uhlulekile, ngokubona kwami.

INingizimu Afrika ithanda ukuziqhenya ngento engekho, uma abadlali beqhubeka kanjena angeke siye kweyendebe yomhlaba.

Uma uzojabula udliwe uthi uzamile lokho akuyona into ephathekayo - uma ungabheka emuva emdlalweni wendebe yomhlaba, sangena ngoba nakhu umdlalo wabe udlalelwa kuleli, nakulokhu singene ngoba umdlalo ukuleli.

Sidlala kanjani kangcono sibe sisadliwa woNiger, Botswana, Ethopia?

Nimcoma ukudliwa

Aniboni ngani ukuthi kumele kukhethwe ngendlela elungile esikwateni, kungani nahlala nincoma ukudliwa?

Abantu bancoma into engekho.

Mhlampe ngiphumile esandleni kodwa angeke nganeliswa ukudliwa kweqembu.

Bheka lana – Yini  eyenza iChiefs ingafuni ukudlala kwiCAF kodwa ivume ukuthi abadlali bayo bagcwale khona kwi-Afcon?

Angeke ingane ivele igijime ingaqalanga ngokukhasa, angeke ifike ku-matric ingaqalanga kuGrade 1.

Uma abadlali befuna ukwenza kahle kumele baqale baveze lokho emidlalweni yeligi, kudlule kube yiCAF bese kuba yi-Afcon.

Akusikho ukuhlakanipha ukujabulela ukwehlulwa ekhaya phambi kwezihlwele ezingaka, ngicela ningitshele igama eligcono engingabiza ngalo abantu abajabulela lento.

Sithole kuphela u-25%

Emidlalweni emine esiyidlalile siwine owodwa kuphela, lokhu kusho ukuthi sithole u-25% ku-100%.

U-75% wonke bewungowethu namanye amazwe, abadllali bahlulwe wuSiyabonga Sangweni (odlala emuva), waba ngumdlali oshaye amagoli amaningi kwi-Afcon.

Yikuphi ukuzama abantu abakhuluma ngakho?

Ngelinye ilanga kuzokhanya, okwamanje cha kumnyama ebusweni benkawu.


Disclaimer: INews24 iqhakambisa ukukhuluma ngokukhululeka nokuzwakaliswa kwemibono eyahlukene. Lokho kuchaza ukuthi imibono yababhali bezingosi eshicilelwe kuNews24, akuyona imibono yeNews24.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).


- News24

Phawula kulolu daba
2 izimpawulo
Faka ukuphawula kwakho
Phawula 0 izinhlamvu esezisele
Isimo sezulu
Emigwaqweni
iLotto
Cpt: 17-24°C Sunny. Mild. Pta: 17-32°C High level clouds. Pleasantly warm.
Jhb: 14-27°C Morning clouds. Pleasantly warm. Bloem: 15-30°C High level clouds. Pleasantly warm.
Dbn: 17-24°C Morning clouds. Mild. PE: 16-21°C Morning clouds. Mild.
Isibikezelo sezulu sezinsuku ezingu-7...