Bayinqwaba ababulawa umphezulu kuleli

2013-02-13 16:50

Johannesburg - Bangaphezu kuka-260 abantu abashonayo kuleli laseNingizimu Afrika, unyaka nonyaka, bebulawa wumphezulu, kusho abakwaSA Weather Service, ngoLwesithathu.

Isangoma sezulu uPuseletso Mofokeng uthi lezi zibalo zithathwe kwabakwaStatistics SA, kanti zisuka kunyaka ka-1999 ziya ku-2007, la khona kwabikwa abantu abangu-2 375 ababulawa wumphezulu.

UMofokeng usho kanjena ngesikhathi ekhuluma esikoleni saseGoli, la khona abafundi ababili beshaywe wumbani.

Abafundi abahlanu abaneminyaka engu-16 ubudala baseProtea Glen Secondary, bashaywe wumbani ngesikhathi besendleleni bephuma esikoleni.

Oyedwa ulimale kambi.

Abanye abayisishiyagalolunye baseKing Edward VII School, bashaywe wumbani besemagcekeni esikole ngoLwesibili, ababili kubona balimale kanzinyana.

KwaZulu-Natal, nakhona kusale umphefumulo ngesikhathi kuhlasela izulu.

"Unyaka owaba nesibalo esiphansi kwaba ngu-2000, la khona kwashona abantu abangu-205 kuphela."

Izingozi eziningi zenzeka e-Eastern Cape, bese kulandela iKwaZulu-Natal.




 

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).


Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 18-21°C More sun than clouds. Cool. Pta: 18-33°C Mostly sunny. Hot.
Jhb: 18-28°C Mostly sunny. Warm. Bloem: 22-33°C Showers late. Morning clouds. Pleasantly warm.
Dbn: 17-29°C a mixture of sun and clouds. Warm. PE: 21-27°C More sun than clouds. Warm.
Isibikezelo sezulu sezinsuku ezingu-7...