Uzinikele emaphoyiseni obefunwa ngelokubulala intombi kubuka ingane

2017-01-30 08:02

Johannesburg – Uzinikele emaphoyiseni owesilisa waseDaveyton obefuneka ngecala lokugwaza abulale intombi yakhe phambi kwengane yabo eneminyaka eyisithupha ubudala, kusho okhulumela amaphoyisa aseGoli uKay Makhubele ngeSonto.

Owesilisa ubelokhu egcwele izinkalo kulandela isehlakalo sangoJanuwari 15.

Kungazelele muntu, ufike esiteshini samaphoyisa eYeoville ngezithuba zabo-02:00 ngeSonto wazinikela.

Uzovela eNkantolo yeMantshi yaseBenoni ngoMsombuluko ngecala lokubulala.

UMakhubele uthe kwesinye isehlakalo, owesilisa waseDobsonville uboshiwe ngecala lokudlwengula indodakazi eneminyaka engu-8 ubudala ngoMgqibelo.

OLUNYE UDABA: Itholakale ipoqokile imoto eshayisane neloli

Intombazane ihlala noyise kanti kuthe uma kufika unina esuka eKliptown, eSoweto, ezovakashela ingane yakhe, yamtshela ukuthi uyise akafuni iyodlala nezinye izingane.

Kuthe uma ephenyisisa, owesifazane wabona izimpawu zokuhlukunyezwa nezokudlwengulwa, wabikela amaphoyisa.

Umsolwa ube eseboshwa kanjalo.

- News 24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 10-15°C Rain early. Morning clouds. Cool. Pta: 5-21°C Mostly sunny. Mild.
Jhb: 6-17°C Mostly sunny. Mild. Bloem: 4-17°C Passing showers. More clouds than sun. Refreshingly cool.
Dbn: 15-26°C Sunny. Mild. PE: 12-18°C More clouds than sun. Mild.
Isibikezelo sezulu sezinsuku ezingu-7...