UVavi uthi izinyunyana azisawenzi umsebenzi obekelwe zona

2017-03-26 13:30

Johannesburg - OwayenguNobhala jikelele weCosatu uZwelinzima Vavi ukhwele wadilika kuzinyunyana ngokungawenzi umsebenzi ngendlela, kubika i-EWN.

UVavi ugxeke izinyunyana ngokuthi zilibelwe wuqhekeko lwe-ANC mayelana nomholi okufanele ukuba athathe izintambo kuMengameli uJacob Zuma.

UVavi usho lokhu nesikhathi esanda kubhalisa ngokusemthethweni inyunyana yakhe entsha i-South African Federation of Trade Unions (Saftu) noMnyango wezaBasebenzi ngoLwesithathu.

OLUNYE UDABA:UVavi usephinde waxolisa ngokusiza kuketulwe uMbeki

UVavi uthi iSaftu ihlose ukugcwalisa isikhala esishiywe yi-ANC ngokuhluleka ukubhekana nezinkinga zobubha, ukungalingani kanye nokungabibikho kwemisebenzi.

“Izinhlangano i-ANC, SACP, uPhiko Lwentsha kanye noPhiko lwabeSimame zonke zihlulekile ukudlala indima yazo njengoba zazenza ekuqaleni. Ngeke sithi ngoba nakhu senza iphutha ngo-2007 kumele sifele lelo phutha kuze kube wunaphakade,” kusho uVavi.

- EWN

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 18-22°C Morning clouds. Cool. Pta: 19-29°C Showers late. Morning clouds. Warm.
Jhb: 18-25°C Showers late. Morning clouds. Mild. Bloem: 16-29°C Drizzle. Morning clouds. Pleasantly warm.
Dbn: 21-26°C Tstorms late. More clouds than sun. Mild. PE: 18-24°C Afternoon clouds. Mild.
Isibikezelo sezulu sezinsuku ezingu-7...