Usencamela ukubuyisela emuva amalobolo osekhathele wucansi

2017-10-17 19:30

Johannesburg - Kubukeka sengathi iphupho lakhe lokushada ngelinye ilanga ngeke lisaphumelela nakuba amalobolo esekhokhiwe kubo owesifazane.

U-Anathi Nomeva, 20, uthi isoka lakhe seliphenduke umuntu othanda ucansi, uthi lifuna balwenze kathathu njalo ebusuku.

Manje lona wesifazane waseSilver City eMangaung akasafuni ukushada, uthi uncamela ukubuyisela emuva amalobolo.

“Okwamanje ngisahlanganise ingxenye ka-R6 000 yamalobolo akhishwa ekhaya,” kusho u-Anathi.

Uthe usekhathele yilobu budlelwane osebudonse iminyaka emibili.

Utshele iDaily Sun ukuthi ngemuva kokuba isoka lakhe selikhokhe amalobolo, laqala ukufuna kakhulu ucansi.

OLUNYE UDABA: Kuboshwe umfundi ngokudlwengula obedakiwe

Uthe: “Uhlezi efuna ucansi, ngisho ngingafuni mina. Ukwenza ucansi kufanele kube yinto emnandi, hhayi ebuhlungu. Uma eqhubeka nokwenza le nto ngeke sishade, yini engilindile uma sesishadile?

“Sihlala ndawonye emqashweni, kodwa ngeke ngize ngiyibekezelele into engihlukumezayo. Ungenza isigqila socansi. Uluthanda kakhulu ucansi.”

Uthi usewubikele umndeni ngalolu daba futhi akasahlali nalo isoka lakhe. Lona wesifazane uthi ucabanga nokuyofuna incwadi yesivimbelo enkantolo.

Isoka lakhe, uMvuyisi Jembula, 42, lithe u-Anathi unamanga futhi uphuza utshwala ngokweqile kumanje akamazi nokuthi ukuphi, selokhu ehambe ngoMsombuluko owedlule.

“Sivamile ukwenza ucansi kodwa hhayi njalo. Angifune lutho olungihlanganisa naye.”

- Daily Sun

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 14-20°C Sunny. Mild. Pta: 17-27°C Heavy rain. Morning clouds. Warm.
Jhb: 14-21°C Heavy rain. Decreasing cloudiness. Mild. Bloem: 9-27°C High level clouds. Pleasantly warm.
Dbn: 18-22°C Rain late. Mostly cloudy. Cool. PE: 12-19°C a few showers. Afternoon clouds. Mild.
Isibikezelo sezulu sezinsuku ezingu-7...