Uphuthunyiswe ngendiza esibhedlela owesilisa othole ingozi ku-N14

2017-08-23 18:00

Durban - NgoLwesibili ntambama abezimo eziphuthumayo babizelwe ku-N14 phakathi kwe-Krugersdorp neMagaliesburg kunengozi.

Lokhu kwenzeke ntambama ngo-16h40 kanti abezimo eziphuthumayo bafike bathola ukuthi iveni ishayisane nemoto encane.

Kulokhu, owesimame obeshayela imoto encane ube nenhlanhla ngokuphunyuka nemihuzuko emincane.

OLUNYE UDABA:Baphuthunyiswe ngendiza esibhedlela abathole ingozi

Owesilisa oneminyaka engu-52 ubudala obeshayela iveni yena ubesesimweni esibucayi kakhulu.

Lo mlisa uthole usizo lokuqala olukhethekile ngaphambi kokuba aphuthunyiswe esibhedlela ngendiza enophephela emhlani.

Amaphoyisa abekhona endaweni yesigameko ukuzophenya ngembangela yale ngozi.


- News24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 10-18°C Sunny. Mild. Pta: 9-24°C Sunny. Mild.
Jhb: 7-20°C Sunny. Mild. Bloem: 4-20°C Sunny. Mild.
Dbn: 17-22°C Partly cloudy. Cool. PE: 12-20°C Morning clouds. Mild.
Isibikezelo sezulu sezinsuku ezingu-7...