UNgqongqoshe usole iMeya yaseGoli ngodlame olubhekiswe kwabokufika

2017-03-01 11:01

Johannesburg - UNgqongqoshe wezokuPhepha koMphakathi eGauteng, uSizakele Nkosi-Malobane usesole iMeya yedolobha iGoli, uHerman Mashaba ngodlame olubhekiswe kwabokufika kuleli.

UNkosi-Malobane ukhulume kanje ngoLwesibili ngaphambi kwenkulumo yesifundazwe esiShayamthetho saseGauteng.

OLUNYE UDABA: Uyasivikela isinqumo sakhe ungqongqoshe othengele iziboshwa i-KFC

Kuhlaselwe abantu bokufika eJeppestown kuleli sonto abantu bazama nokutapa impahla ezitolo zabo.

UMashaba useziphikise kaningi izinsolo wathi inkulumo yakhe ngezifikanamthwalo kuleli akusiyo eholele kulolu dlame oluqhubekayo edolobheni.

UNkosi-Malobane uthe isitatimende sikaMashaba ngabantu abafika kuleli ngokungemthetho sidalele umnyango wakhe umsebenzi omningi.

"Ukube akazange abize abantu ngezilwane nezigebengu ngabe akunje namuhla."

UNkosi-Malobane uthe abaholi kufanele bakuqaphele abakukhulumayo.

 - EWN

 - “Like” ikhasi lethu kuFacebook ukuze uthole izindaba ngolimi lwakho                                

 - Landela IzindabaNews24 kuTwitter

- News 24

Isimo sezulu
Emigwaqweni
iLotto
Cpt: 11-17°C Sunny. Mild. Pta: 7-23°C Sunny. Mild.
Jhb: 5-19°C Sunny. Mild. Bloem: -3-20°C Sunny. Mild.
Dbn: 16-20°C a few showers. More sun than clouds. Cool. PE: 11-18°C Morning clouds. Mild.
Isibikezelo sezulu sezinsuku ezingu-7...