Ungase ugqemeke ingozi umndeni wakwaGupta ngokuthutha kwebhange

2018-02-12 14:00

Johannesburg – IBank of Baroda ngeke isaqhubeka nokusebenzela kuleli laseNingizimu Afrika, nokuyizindaba ezingezinhle emndenini wakwaGupta.

Leli bhange laseNdiya selazise ihhovisi elilawula ukusebenza kwamabhange [Office of the Registrar of Banks] ngesinqumo salo, kusho iSouth African Reserve Bank (Sarb) esitatimendeni ngoMsombuluko.

"Ihhovisi…lisezingxoxweni neBank of Baroda ukuqinisekisa ukuthi liphuma ngendlela ekahle eNingziimu Afrika ukuze kungalimali abantu abasebenzisa leli bhange,” kusho i-Sarb.

OLUNYE UDABA: Kubukeka sithathwe namhlanje isinqumo ngekusasa likaZuma

NgoJanuwari, iBank of Baroda ivumile ukunikeza izinhlangano zomphakathi imiqulu yasebhange emayelana nomndeni wakwaGupta, ngemuva kokuba iHelen Suzman ifake isicelo sokuvunyelwa ukuthola imininingwane.

Ngo-Okthoba 2017‚ iNkantolo eNkulu eNorth Gauteng, ePitoli yayalela ukuba leli bhange liqhubeke nokusebenzisana nezinkampani ezihlobene nomndeni wakaGupta, kulandela isinqumo samanye amabhange amakhulu kuleli sokuvala ama-akhawunti amabhizinisi alo mndeni.

- eNCA

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 17-21°C Sunny. Cool. Pta: 18-31°C More sun than clouds. Pleasantly warm.
Jhb: 16-28°C Afternoon clouds. Warm. Bloem: 17-29°C Mostly sunny. Warm.
Dbn: 21-30°C Sunny. Warm. PE: 18-27°C Rain late. Afternoon clouds. Warm.
Isibikezelo sezulu sezinsuku ezingu-7...