UManana ulahlwe ngamacala amathathu okushaya

2017-09-13 16:00

Johannesburg - OwayeyiPhini likaNgqongqoshe weMfundo ePhakeme uMduduzi Manana ulahlwe amacala amathathu okushaya ngemuva kokuthi awavume amacala abebekwe wona.

Lokhu kuvele eNkantolo yeMantshi eRandburg ngoLwesithathu emini.

Icala lakhe lihlehliselwe umhlaka-7 Novemba lapho ezokwehliselwa khona isigwebo.

NgoLwesithathu, kuboshwe omunye umsolwa wesibili kuleli cala ngemuva kokuthi ekhonjwe ngomunye walaba besimame abavule icala.

OLUNYE UDABA:Abanye babafundi babuthane enkantolo beyokweseka uManana

UManana wavuma ukubandakanyeka kulesi sigameko kodwa wayechukuluziwe.

Isigameko saqoshwa kwi-video ngaphambi kokuba isatshalaliswe ezinkundleni zokuxhumana.

UManana wesula esikhundleni sakhe ngemuva kwengcindezi ayeyithola kwi-ANC nakwezinye izinhlangano, kodwa namanje usayilungu le-ANC ePhalamende.

Ngesikhathi evele enkantolo phambilini wadedelwa ngebheyili ka-R5 000.

UManana uthi wabuzwa ngomunye wabamangalelwa, uNoluthando Mahlaba, ukuthi: " Ucabanga ukuthi ungubani, lesi sitabane".


- News24

NEXT ON NEWS24 ISIZULUX

ISilo sixwayise uRamaphosa

2018-01-21 10:29
Isimo sezulu
Emigwaqweni
iLotto
Cpt: 19-24°C More sun than clouds. Mild. Pta: 20-33°C Mostly sunny. Pleasantly warm.
Jhb: 18-27°C High level clouds. Pleasantly warm. Bloem: 18-31°C More sun than clouds. Pleasantly warm.
Dbn: 20-26°C Morning clouds. Mild. PE: 23-28°C High level clouds. Warm.
Isibikezelo sezulu sezinsuku ezingu-7...