'UMafokate akayeke ukuba yivaka avume icala'

2017-09-20 19:30

Midrand - Izishoshovu zifuna umculi weKwaito ophinde abengumnikazi wesitebele somculo i-999, u-Arthur Mafokate, ayeke ubuvaka.

Izishoshosvu zifuna alivume icala lokushaya umculi owayeyintombi yakhe uBusisiwe "Cici" Twala.

Le nkakha yomculo weKwaito nayo ivulele uTwala icala elifanayo.

OLUNYE UDABA:Ibe yize imizamo ka-Arthur Mafokate ecaleni abhekene nalo

UMafokate uvele eNkantolo yeMantshi yaseMidrand namuhla (ngoLwesithathu).

Isigameko senzeka ngoJuni kwadingeka ukuba uTwala ayohlinzwa esibhedlela njengoba esehamba ngemikhoba.

UMafokate ubengafuni icala lithethwe enkantolo kodwa ubefuna udaba luxazululwe ngokuthi baxoxisane ngaphandle kwenkadntolo. Yize kunjalo uMbuso utshele inkantolo ukuthi ummangali uyasichitha isicelo somsolwa.

Izishoshovu zithi uMafokate kufanele abhekane ngqo nezinsolo, aphinde atshengise ubudoda ngokuthi avume icala.

"UMafokate akenze njengoba uManana enzile, avume icala. Kuyacaca ukuthi ngeke kumhambele kahle, akalivume icala ukuze impilo izoqhubeka," kusho uThemba Masango we-NotInMyName.

UMasango uphinde wathi lo mculi uyigwala ngoba uyakwazi abhekene nakho kodwa uhlulwa ukulivume icala bese eyaxolisa.

UTwala usola uMafokate ngokumhudula ngemoto ngesikhathi bexabana, nokho lesi sihlabani siyayiziphika lezi zinsolo.

UMafokate kulindeleke ukuba abuyele enkantolo ngomhlaka-3 Novemba.

 - TWITTER:

- eNCA

- News24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 13-19°C Sunny. Mild. Pta: 16-27°C Morning clouds. Warm.
Jhb: 14-23°C Rain early. Morning clouds. Mild. Bloem: 12-27°C Rain late. More sun than clouds. Warm.
Dbn: 16-25°C More sun than clouds. Mild. PE: 13-22°C Morning clouds. Mild.
Isibikezelo sezulu sezinsuku ezingu-7...