Uma uZuma engehli eiskhundleni, uzokhishwa ePhalamende - Mantashe

2018-02-13 19:22

Port Elizabeth – Iqembu elibusayo i-African National Congress (ANC) linqumele uMengameli Jacob Zuma ugwayi katiki, lamtshela ukuthi kumele ehle esikhundleni kungenjalo abhekane nesiphakamiso sokungethenjwa kobuholi bakhe ePhalamende.

Lokhu kushiwo usihlalo we-ANC uGwede Mantashe obetshela abalandeli benhlangano eMsobomvu Community Hall eButterworth esifundazweni i-Eastern Cape ngoLwesibili, okuyilanga i-ANC eqinisekise ngalo ukuthi imyalele ukuba asishiye isikhundla sakhe.

"Simvumele ukuba asithathe ngokwakhe isinqumo sokwesula esikhundleni, ukuze engeke aphucwe imihlomulo. Uma enqaba, sizosebenzisa umthetho 12.1-2-1.2, othi i-ANC inelungelo lokuthuma nokubuyisa isithunywa sayo, kungekhona ukuthi imqondisa izigwegwe,” kusho uMantashe, osaqhubeka nemigubho yeminyaka engu-106 kwasungulwa i-ANC.

OLUNYE UDABA: Ezinye izigemegeme ezingamahlazo ezibandakanya uZuma

Uthe uma uZuma eqhubeka nokwenqaba ukwenza okushiwo yi-ANC, akukho okunye engakwenza ngaphandle kokuvumela isiphakamiso sokungethenjwa kobuholi bakhe.  

UMantashe uthe njengelungu eliqotho le-ANC unikezwa ithuba lokuba uzehlele ngokwakho esikhundleni, kodwa uma wenqaba kusho uthi wenza okuphambene ne-ANC, nokusho ukuthi yona izokuyekelela udliwe ngamanqa.

- ANA

- News24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 12-19°C Sunny. Mild. Pta: 15-23°C Afternoon clouds. Mild.
Jhb: 13-21°C Morning clouds. Mild. Bloem: 7-22°C Sunny. Mild.
Dbn: 19-24°C Tstorms early. Decreasing cloudiness. Mild. PE: 12-20°C High level clouds. Mild.
Isibikezelo sezulu sezinsuku ezingu-7...