Ugcinwe esitokisini ubaba ojikikele phansi ingane ephezu komjondolo

2018-04-13 09:37

Cape Town- Ubaba wase-Eastern Cape uzogcinwa esitokisini ngemuva kokujikijela ingane yakhe phansi, ephezu komjondolo.

Okhulumela amaphoyisa eButterworth u-Andre Beetge uthi isigameko senzeke ngesikhathi kudilizwa imijondolo egxunyekwe ngokungemthetho eJoe Slovo kuMasipala waseNelson Mandela Bay.

Amaphoyisa athi lo baba oneminyaka engu-38 ubudala ugibele phezu komjondolo ebambe ingane yakhe yentombazane, ngemizamo yokuvimbela ukudilizwa kwawo.

Iphoyisa lizamile ukukhuluma naye lo baba phezu kwendlu ngesikhathi amaphoyisa ezama ukusindisa usana.

"Ubanjwe ngamaphoyisa, wavele wajikijela phansi usana. Ngenhlanhla lunqakwe yiphoyisa, waboshwa uyise,” kusho okhulumela amaphoyisa uCaptain Andre Beetge.

OLUNYE UDABA: 'Kwangithusa ukuboshwa kukamama ngokubulawa kukababa'

Kuvulwe icala lokuzama ukubulala kanti iMotherwell Cluster Family Violence Child Protection and Sexual Offences (FCS) unit izokwenza uphenyo.

Abezenhlalakahle bazoqinisekisa ukuthi ingane ibuyiselwa kunina oneminyaka engu-35 ubudala, nokulindeleke asebenzane nawo, kusho uBeetge.

Ukhomanda wamaphoyisa eMotherwell uMajor General Dawie Rabie, uncome amaphoyisa ngokusindisa ingane.

"Kuyethusa ukuthi ubaba angazama ukunikela ngengane yakhe ngenxa nje yomjondolo obekwe ngokungemthetho," esho.

"Uzobhekana nengane yomthetho ngesenzo sakhe.”

- News24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 12-19°C Sunny. Mild. Pta: 15-23°C Afternoon clouds. Mild.
Jhb: 12-21°C Mostly sunny. Mild. Bloem: 7-22°C Sunny. Mild.
Dbn: 18-22°C Light rain early. Morning clouds. Cool. PE: 12-20°C High level clouds. Mild.
Isibikezelo sezulu sezinsuku ezingu-7...