UBathabile Dlamani akeneme ngeTop 6 ye-ANC 'egcwele amadoda'

2017-12-19 16:00

Johannesburg - UMengameli we-ANC Women's League uBathabile Dlamini uthi uJessie Duarte ubengeke asithole isikhala kwiTop 6 ye-ANC ukube ubesohlwini lwalabo abebehamba noCyril Ramaphosa.

"Akumele siziqhenye ngalo mphumela. Isiphinde yabuya futhi indaba yokuthi amadoda yiwo afanelwe ukuphatha," esho esithangamini sabezindaba ngoLwesibili, kubika i-eNCA.

"UJessie Duarte ungenile kwiTop 6 futhi siyaziqhenya ngaye, kepha sifuna ukusho futhi ukuthi uComrade Jessie ungene kulesiya sikhala kuphela ngoba ubeqhudelana nomunye umuntu wesifazane.

"Ukube ubebanga nomunye umuntu wesilisa ubengeke alibone elidlalayo. U-Oliver Tambo uyaphenduka ethuneni kumanje ngenxa yalo mphumela. Umzabalazo wokuqoka umengameli wesifazane ubuvele ungeke ube lula futhi lokho besikwazi kwasekuqaleni," eqhuba.

OLUNYE UDABA: I-ANC ibambe umhlangano mayelana namavoti 'anyamalele'

Uthe yize bewazi amagalelo kaDuarte kwezomzabalazo, kanjalo bayazi futhi ukuthi ubengeke aphumelele ukube ubeqhathwe nomuntu wesilisa.

UNkosazana Dlamini-Zuma, obesekwa yi-ANCWL kwesikamengameli kaKhongolose, ukhale ngaphansi kwanqoba uRamaphosa.

UDlamini uphinde wazwakalisa ukuthi beyi-ANCWL bayaziqhenya ngoMengameli Jacob Zuma ngoba ukwazile ukuhola inhlangano ngezikhathi ezinzima.

Buka uDlamini ekhuluma ngezansi:

- News24

Isimo sezulu
Emigwaqweni
iLotto
Cpt: 12-19°C Sunny. Mild. Pta: 15-23°C Afternoon clouds. Mild.
Jhb: 12-21°C Mostly sunny. Mild. Bloem: 7-22°C Sunny. Mild.
Dbn: 18-22°C Light rain early. Morning clouds. Cool. PE: 12-20°C High level clouds. Mild.
Isibikezelo sezulu sezinsuku ezingu-7...