Uyavela osolwa ngokubulala uThembisile Yende

2017-11-15 07:04

Pretoria - UDavid Ngwenya othweswe icala lokubulala isisebenzi sakwa-Eskom, uThembisile Yende, kulindeleke ukuba avele namuhla (ngoLwesithathu) eNkantolo yeMantshi yaseSprings.

UNgwenya, 43, naye osebenza kwa-Eskom, usolwa ngokubulala isithandwa sakhe ,uYende, ngomjovo othile ngaphambi kokumshaya ekhanda ngensimbi, wase wamklinya ngoMeyi.

OLUNYE UDABA:Ubuyela enkantolo osolwa ngokubulala isisebenzi sakwa-Eskom

Usolwa ngokubulala uYende ngemuva kokumsola ngokuthi angase amumpimpe njengoba kusolwa ukuthi ubebandakanyeka kumkhonyovu wokweba i-copper.

UYende, 29, wanyamalala ngomhlaka-17 Meyi.

Isidumbu sikaYende satholakala ehhovisi lakhe ngemuva kokuba abasebenzi bakwa-Eskom bezwe iphunga elibi.

UYende waqala ukusebenza kwa-Eskom ngoDisemba 2015.

- News24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 20-24°C Mostly sunny. Mild. Pta: 17-33°C High level clouds. Pleasantly warm.
Jhb: 16-30°C High level clouds. Pleasantly warm. Bloem: 17-30°C Showers late. Morning clouds. Pleasantly warm.
Dbn: 20-31°C a mixture of sun and clouds. Warm. PE: 20-26°C Morning clouds. Mild.
Isibikezelo sezulu sezinsuku ezingu-7...