Sizobhekana ngqo nalabo abadla imali yabakhokhi bentela - Ramaphosa

2018-01-11 18:00

Qunu – UMengameli we-ANC uCyril Ramaphosa uphinde wakugcizelela ukuthi bazobhekana ngqo nalabo abantshontsha imali yabakhokhi bentela.

URamaphosa uqhubekile nomkhankaso wakhe wokwakha ubumbano kwi-ANC, watshela nabalandeli benhlangano eQunu, e-Eastern Cape, ukuthi bafuna ukushintsha indlela elenza ngayo izinto iqembu baphinde balibeke kwelinye izinga ukuze liphinde liwine izinhliziyo zabantu.

Ekhuluma ehholo lomphakathi eQunu, uRamaphosa uphinde wathi i-ANC kumele ihlukane nokukwebhana yodwa.

"Into okumele siyenze ukuba sibumbane. Sikhethelwe ukuba silethe ubumbano kwi-ANC. Le nto yethu yokukwebhana sodwa kumele iphele,” esho.

OLUNYE UDABA: Gigaba: Intsha akumele igaqele amathenda kuphela

"Uma sikhuluma kumele sikhulume ngazwi linye,” kuqhuba uRamaphosa.

Ekuseni uRamaphosa uqale wahola ithimba elivakashele emzini kaNelson Mandela.

Utshele ebebelapho ukuthi bazobuyisa i-ANC kaMandela. "UMandela ubengathanda ukuthi sikhuculule inkohlakalo ekhona ku-ANC siphinde senze inhlangano iphinde ihaleleke kubantu baseNingizimu Afrika."

- Political Bureau 

- News24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 16-20°C Heavy rain late. Mostly cloudy. Mild. Pta: 11-27°C Sunny. Pleasantly warm.
Jhb: 10-24°C Sunny. Mild. Bloem: 8-24°C Sunny. Mild.
Dbn: 17-27°C Sunny. Warm. PE: 12-25°C Sunny. Mild.
Isibikezelo sezulu sezinsuku ezingu-7...