Siyaqhubeka isiteleka sabasebenzi bakwa-SABC

2017-11-03 09:29

Johannesburg - Kulindeleke ukuba siqhubeke isiteleka esimayelana nokukhushulwa kamaholo, sabasebenzi bomsakazeli omkhulu kuleli iSouth African Broadcasting Corporation namuhla (ngoLwesihlanu).

Inyunyana iBroadcasting, Electronic, Media & Allied Workers Union (Bemawu) nabaphathi be-SABC bebevalelene amahora emhlanganweni wayizolo (ngoLwesine) kwaze kwahlwa.

Abasebenzi bafuna ukukhushulelwa amaholo ngo-10%, kodwa lo msakazeli uthi awunayo imali.

OLUNYE UDABA:Babeke phansi amathuluzi abasebenzi bakwa-SABC

Abakwa-SABC bathi isiteleka asikho emthethweni kodwa owe-Bemawu, uJannes du Buisson uyakuphikisa lokho njengoba ethi abameli babo bathumelela abakwa-SABC incwadi emayelana nesiteleka.

Khonamanjalo, inyunyana iCommunication Workers Union (CWU) yona ifuna ukukhushulelwa amaholo ngo-15% kodwa amalungu ayo awatelekile.

Owe-SABC uKaizer Kganyago uxwayise abasebenzi ngokubuyela emsebenzini okanye bazoqondiswa izigwegwe.


 - EWN

- News24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 16-20°C Heavy rain late. Mostly cloudy. Mild. Pta: 11-27°C Sunny. Pleasantly warm.
Jhb: 10-24°C Sunny. Mild. Bloem: 8-24°C Sunny. Mild.
Dbn: 17-27°C Sunny. Warm. PE: 12-25°C Sunny. Mild.
Isibikezelo sezulu sezinsuku ezingu-7...