Sigwetshiwe isisebenzi sasendlini esilahlwe elokubulala umqashi

2016-12-16 09:05

Johannesburg – Isisebenzi sasendlini kanye namadoda amathathu balahlwe icala lokubulala uThoriha Mitha ekhaya lakhe eMidrand.

UMitha wabulawa ngonyaka ka-2014 emzini wakhe futhi kwaboshwa uDeliwe Zwakala owayeyisisebenzi sakwakhe.

IBamba likaMahluleli weNkantolo eNkulu ePalm Ridge uCarla van Veenendaal ugwebe uZwakala iminyaka engu-23 ngelokubulala kanye nengu-13 ngelokugebenga ngenhloso yokulimaza.

OLUNYE UDABA:Uboshiwe owesilisa obhokode isisebenzi sasendlini ngommese

Owayeyisoka likaZwakala uGoodrich Mashego kanye nababili ababoshwa nabo uKenneth Ntshangase no-Alfred Matlala, bobathathu bagwetshwe udilikajele ngelokubulala, kanye neminyaka engu-15 umuntu ngamunye ngokugebenga ngenhloso yokulimaza.

Itulo lokugebenga nokubulala uMitha lavezwa uZwakala ngesikhathi evuma icala kubaseshi.

Umndeni wakaMitha ubonge amaphoyisa ngomsebenzi omuhle wokuqinisekisa ukuboshwa kanye nokugwetshwa kwalezi zigilamkhuba.

- News24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 13-20°C Partly cloudy. Mild. Pta: 17-29°C Mostly sunny. Pleasantly warm.
Jhb: 15-24°C Mostly sunny. Mild. Bloem: 16-26°C Numerous showers. Morning clouds. Warm.
Isibikezelo sezulu sezinsuku ezingu-7...