Sekushone 4 kuhlasela isishingishane, uDineo

2017-02-16 17:59

Johannesburg – Abezindaba baseMozambique babika ukuthi abantu abane, okubalwa kubo nengane, sebeshonile ngenxa yesishingishane ebesilokhu sibikezelwa, uDineo.

Ngokombiko weJornal Noticias, kushone ingane ngemuva kokupitshazwa yisihlahla esiwile eMassinga, esifundazweni i-Inhambane.

OLUNYE UDABA: BUKA: Sifike kwezwakala isishingishane eMozambique, iKZN imincile

Lesi sishingishane, manje esesibizwa ngo-ex-Dineo, sesehlisiwe ekubeni isishingishane esikusigaba-4, njengoba manje sekubikwa ukuthi angeke sisaba mandla njengoba bekukade kuqaguliwe.

Kodwa-ke noma kunjalo izangoma zezulu zithi lesi sishingishane siseyingozi enkulu kanti sekululekwe nabantu ukuba balokhu beqaphile esikhathini esingamahora angu-48 ezayo.

Kuqagulwa ukuthi kungase kube nezimvula ezinamandla ezihambisana nomoya ezingxenyeni ezithile zezwe, okubalwa kuzo iLimpopo, iMpumalanga kanye naKwaZulu-Natal.

Esinye sezakhamuzi zaseNingizimu Afrika esizinze eMozambique, uBrian Jefferies, sifake i-video kuFacebook sikhombisa umonakalo omkhulu odalwe yilesi sishingishane e-Inhambane.

- News 24

Isimo sezulu
Emigwaqweni
iLotto
Cpt: 14-24°C Sunny. Mild. Pta: 11-21°C Broken clouds. Mild.
Jhb: 9-19°C More sun than clouds. Mild. Bloem: 6-23°C Sunny. Mild.
Dbn: 17-19°C Scattered showers. Partly cloudy. Cool. PE: 15-21°C Showers early. More sun than clouds. Mild.
Isibikezelo sezulu sezinsuku ezingu-7...