Owe-ANC uthi abayingeni eyezinsolo kulandela umdwebo

2016-07-18 10:03

Durban - UKhongolose uthi ayiyingeni eyezinsolo ezenziwe yindodana kaMengameli Jacob Zuma, u-Edward Zuma, ezithi kukhona abaholi benhlangano abathuma umdwebi u-Ayanda Mabulu ukuba adelele ubaba wakhe ngemidwebo ehlambalazayo.

Okhulumela i-ANC uZizi Kodwa uthe akukho abazokuphendula ngezinsolo kodwa kufanele kukhulunywe naye u-Edward ngalezi zinsolo.

OLUNYE UDABA: Indodana kaZuma ishiye engalazi kogxeke iSilo

"U-Edward akasiye okhulumela i-ANC ngakho sicela nikhulume naye ngakushilo. Thina akukho esingakusho," kusho uKodwa.

Ngokombiko wephephandaba iSolezwe u-Edward usole ukuthi kunabaholi abahluleka ukukhipha uZuma esikhundleni asebesebenzisa uMabulu ukuhlambalaza ubaba wakhe ngemidwebo.

Umdwebo okukhulunywa ngawo yilo oveza uZuma enelungu lomndeniwakwaGupta u-Atul emanyaleni.

U-Edward ngesonto eledlule wathi usezimisela nokuboshwa ngoba uyomenzakalisa uMabulu uma behlangana.

 - “Like” ikhasi lethu kuFacebook ukuze uthole izindaba ngolimi lwakho                                

 - Landela IzindabaNews24 kuTwitter

- News 24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 14-16°C Thunderstorms. Mostly cloudy. Cool. Pta: 8-25°C Sunny. Mild.
Jhb: 8-21°C Sunny. Mild. Bloem: 5-21°C Sunny. Mild.
Dbn: 16-26°C Sunny. Mild. PE: 14-22°C Showers late. Afternoon clouds. Mild.
Isibikezelo sezulu sezinsuku ezingu-7...