Liwotha ubomvu isoka lentokazi okuthiwa iyishende lika-AKA

2017-09-20 19:31

Johannesburg - Ithi ingaba nkulu ingabe isazekeka, lokhu kubonakale ngokubhebhetheka kodaba luka-AKA kanye nalowo osolwa ngokuba wumakhwapheni wakhe uNicole Nyaba.

Isoka likaNicole libabele ezinkundlenzi zokuxhumana ngoLwesithathu ekuseni libhodla umlilo ngodaba lokuthi isithandwa salo simataniswa nokuba yishene lomrepha wakuleli u-AKA.

Lokhu kulandela umbiko wephephandaba iSunday Sun elakhipha udaba lokuthi kunezinsolo zokuthi u-AKA ujola nale ntokazi ngasese.

Kuthiwa yilokhu kuziphatha okufanayo okwahlukanisa lo mrepha nentokazi engusomabhizinisi iphinde ibe ngu-DJ, uNtombezinhle Jiyane.

Ngesikhathi uNicole ethintwa ngabe-Sunday Sun ukuba aphawule ngalolu daba, uphikile ukuthi unobudlelwane obuyimfihlo no-AKA. "Akukho lutho oluqhubeka phakathi kwkethu," kusho yena.

OLUNYE UDABA:Kuthiwa u-AKA "uncinzana" nentokazi yaseThekwini

U-AKA, ogama lakhe langempela nguKiernan Forbez, naye uzigxekile lezi zinsolo ethi yena noBonang Matheba bathokoze kakhulu othandweni lwabo.

Yize kunjalo, isoka lale ntokazi elaziwa ngelika-Okaye libhale ezinkundleni zokuxhumana lisabisa ngokuthi intombi izokhokha ngalokhu ekwenzile.

Keminye yemilayezo yalo emide ithe: "Ngabe ngabalalela abangani bami ngesikhathi bengixwayisa ngawe. Sekuphele unyaka ungiqambela amanga, ungikhohlisa. Ngiyakuthembisa uzokukhokhela konke lokhu," kusho leli soka.


- Daily Sun

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 15-21°C Sunny. Cool. Pta: 20-30°C High level clouds. Warm.
Jhb: 18-25°C More sun than clouds. Mild. Bloem: 13-30°C Sunny. Pleasantly warm.
Dbn: 18-20°C Passing showers. Mostly cloudy. Cool. PE: 14-22°C Morning clouds. Mild.
Isibikezelo sezulu sezinsuku ezingu-7...