Ligwetshiwe iphoyisa elagwazisa umshayeli ngo-R150

2016-07-20 14:31

Port Elizabeth – Iphoyisa ebelisebenza esiteshini saseMount Road ligwetshwe iminyaka eyisikhombisa ngokwamukela intshontsho lika-R150 liphelezelwa unemenaydi.

USergeant Mziwandile Mventshana, 43, nozakwabo uConstable Khayalethu Hlamvana, 37, balahlwe amacala amabili okukhwabanisa ngoLwesibili, kubika iNetwerk24.

Iminyaka emithathu kweyisikhombisa enikezwe uMventshana, ilengiselwe iminyaka emihlanu.

OLUNYE UDABA: Kuboshwe amaphoyisa amane ngokugwazisa

UHlamvana uzogwetshwa ngomhlaka-30 Septhemba.

Kuthiwa uMventshana wamisa umshayeli wemoto owayedle amanzi amponjwana ngo-2014, wathi akagwaze khona engeke ambophe.

Kuthiwa laba baxoxisana nomshayeli, kwavunyelwana ngokuthi uzogwaza ngo-R200, kepha wagcina egwaze ngo-R150 – okwakuyiwona mali ayenawo kuyena ngaleso sikhathi.

Wathi eqeda ukuwanika la maphoyisa le mali, wayovula icala emaphoyiseni.

- News 24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 17-21°C Showers early. Morning clouds. Cool. Pta: 16-22°C Afternoon clouds. Mild.
Jhb: 14-20°C Mostly sunny. Mild. Bloem: 15-28°C More sun than clouds. Warm.
Dbn: 20-32°C Sunny. Warm. PE: 19-25°C Showers late. More sun than clouds. Mild.
Isibikezelo sezulu sezinsuku ezingu-7...