Kutholwe isidumbu somfana, 11, sintanta emfuleni eThekwini

2017-11-02 07:01

Durban - Amaphoyisa aphenya isigameko sokubulawa ngesihluku komfana oneminyaka engu-11 ubudala, isidumbu sakhe esitholwe sinenqwaba yamanxeba okugwazwa sintanta emfuleni, oHlanga, eduzane nasebhulohweni eliku-M4, enyakatho yeTheku.

UCaptain Nqobile Gwala, okhulumela amaphoyisa KwaZulu-Natal, uthe ngoLwesithathu isidumbu sitholwe ngamaphoyisa ophiko lwe-Search and Rescue eThekwini ngoMsombuluko.

UGwala uthe imbangela yokubulala ayikaziwa okwamanje.

OLUNYE UDABA:Ingebhe ngesidumbu esitholwe edamini

Amaphoyisa asola ukuthi lo mfana usanda kubulawa njengoba isidumbu sakhe besingakonakali ngesikathi sitholakala.

"Amaphoyisa aseDurban North aphenya icala lokubulala.

"Bekungakaboshwa muntu okwamanje," esho.


- News24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 17-24°C Sunny. Mild. Pta: 19-26°C Numerous showers. Cloudy. Warm.
Jhb: 17-22°C Heavy rain. Mostly cloudy. Mild. Bloem: 16-30°C Sunny. Warm.
Dbn: 23-27°C a few tstorms. More clouds than sun. Warm. PE: 20-22°C a few showers. More sun than clouds. Mild.
Isibikezelo sezulu sezinsuku ezingu-7...