Kutholakale iwunga kwesokubulawa kwabantu e-KZN

2017-01-21 15:29

Durban – Amaphoyiska aKwaZulu-Natal athi kubulawe abantu abayisithupha abadutshulwe oshayasibhamu abahlanu emzini oseGeorgedale, eHammersdale, ngoMgqibelo.

Lesi sigameko senzeke ngoLwesihlanu ebusuku ngabo-21:00, kusho uColonel Thembeka Mbhele, kubika i-ANA.

“Kuthiwa oshayasibhamu bangqongqoze emnyango bacela uSiyanda,” esho.

Kuthe abangaphakathi bangavula umnyango, baqala bavulela ngenhlamvu beguduza ngaphakathi kule ndlu bedubula wonke umuntu abahlangana naye.

OLUNYE UDABA: Kubulawe isigebengu ebesiyiqhawe kwabanye

Kulesi sigameko kubulawe abesilisa abane nabesifazane ababili, kwathi omunye oyedwa walimala kanzima.

Abashonile baphakathi kweminyaka engu-20 no-37 ubudala.

Imbangela yalokhu kuhlasela ayikaziwa kepha kutholakale isidakamizwa iwunga kulo muzi obuhlaselwa.

Eminye imibiko ithi kusolakala ukuthi laba ababulelwe bebedayisa lesi sidakamizwa.

- News 24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 15-17°C Showers late. Partly cloudy. Cool. Pta: 17-28°C Showers early. Morning clouds. Warm.
Jhb: 16-23°C Showers early. Morning clouds. Mild. Bloem: 13-28°C Sunny. Pleasantly warm.
Dbn: 19-23°C Showers early. More sun than clouds. Mild. PE: 12-21°C More sun than clouds. Cool.
Isibikezelo sezulu sezinsuku ezingu-7...