Kushone umfundi owayesinde engozini eyenzeka eNtuzuma

2017-01-24 13:00

Durban – Kugcine kumenele esibhedlela umfundi owalimala kabi engozini ebandakanya itekisi kanye nebhasi eyenzeka emasontweni amabili edlule, kusho uMnyango wezeMfundo  KwaZulu-Natal ngoLwesibili.

Ukuvulwa kwezikole kwabamuncu ngesikhathi kushona abafundi abane endaweni yesehlakalo.

Kukholakala ukuthi ibhasi langqubuzana netekisi eyayithwele izingane zesikole.

Itekisi yashayeka yahlukana phakathi, yayophendukela eceleni yomgwaqo.

OLUNYE UDABA: Uzobe eyisiwula uZuma uma engaxosha uGordhan - Save SA

Okhulumela uMnyango wezeMfundo KwaZulu-Natal, uMuzi Mahlambi, uthe umfundi wakamuva oshonile ungowaseSivananda High School.

"Lo mfundi ngeshwa ushone ngemuva kokuchitha izinsuku ezingu-12 esibhedlela. Umfundi obengomunye walabo abasinda engozini yetekisi nebhasi eyadlula nemiphefumulo yabafundi abane ngoJanuwari 11 eNtuzuma,” usho kanje.

Igama lomfundi alidalulwanga.

- News 24

Isimo sezulu
Emigwaqweni
iLotto
Cpt: 14-24°C Sunny. Mild. Pta: 11-21°C Broken clouds. Mild.
Jhb: 9-19°C More sun than clouds. Mild. Bloem: 6-23°C Sunny. Mild.
Dbn: 17-19°C Scattered showers. Partly cloudy. Cool. PE: 15-21°C Showers early. More sun than clouds. Mild.
Isibikezelo sezulu sezinsuku ezingu-7...