Kushone owesilisa ophonseke ethangini elino-inki obilayo

2017-12-07 18:00

Sydney – Owesilisa okusolakala ukuthi useminyakeni eko-30 ubudala ushonile kwathi ozakwabo ababili asebenza nabo efemini balimala ngesikhathi bobathathu bewela ethangini elino-inki obilayo entshonalanga yeSydney.

Ngokombiko weDaily Mail, la madoda avaleleke kule nguzunga yethangi ngabo-09:00 ngoLwesine ekuseni.

Yize abanye abasebenzi behlengiwe, indoda yesithathu yona ishonele endaweni yesigameo, ngokusho kombiko weSydney Morning Herald, kanti kuze kwashaya izikhathi zasemini isidumbu sayo sisavaleleke kuleli thangi.

"Sizame konke ukumhlenga; kube yishwa nje leli," kusho isikhulu sama-ambulensi ase-NSW uPaul Turner.

"Ngokuqonda kwami, la basebenzi bebengaphakathi kuleli thangi belihlanza ngesikhathi bevaleleka ngaphakathi bengasakwazi ukuphuma," kusho uTurner etshela iFairfax Media.

UTurner uthe "u-inki ojiyile" osesinqeni saleli thangi yiwo owenza kube nzima ukutakula umufi.

Buka nansi i-video ngezansi:


- News24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 17-21°C Showers late. Morning clouds. Cool. Pta: 16-22°C Morning clouds. Mild.
Jhb: 13-21°C Afternoon clouds. Mild. Bloem: 15-28°C Mostly sunny. Warm.
Dbn: 20-32°C Sunny. Warm. PE: 19-25°C Rain late. Afternoon clouds. Mild.
Isibikezelo sezulu sezinsuku ezingu-7...