Kume izinto kubhikisha izakhamuzi ngenxa yama-rates

2017-08-21 13:59

Pretoria - Izakhamuzi zingenele umbhikisho kwama nse izinto ezingxenyeni zaseMabopane, eGa-Rankuwa, Mabopane naseSoshanguve njengoba kuvalwe imigwaqo ngamathayi ezimoto avuthayo, amatshe nangamagatsha ezihlahla.

Ezinye zezakhamuzi zithi azikwazanga ukuya emsebenzini ngoMsombuluko ekuseni ngenxa yombhikisho.

Eminye imigwaqo ngabo-04:00 ekuseni ngoMsombuluko ibisivaliwe.

Kubikwa ukuthi izakhamuzi zikhala ngokukhushulwa kwemali yama-rates ezindaweni ezingamalokishi.

Ukuhamba kwamatekisi nakho kuphazamisekile nokwenze abantu bangakwazi ukuya emsebenzini.

OLUNYE UDABA: Kuqubuke udlame kubhikishelwa olwezindlu

Ababhikishi bazosuka ngamabhasi eSoshanguve, Ga-Rankuwa naseMabopane belibangise edolobheni ePitoli.

Bazomasha balibhekise amahhovisi eMeya yaseTshwane, uSolly Msimanga.

Abashayeli bezimoto bangalindela ukuvalwa kweminye yemigwaqo edolobheni ePitoli nokungase kuphazamise ukuhamba kwezimoto, kubika iSABC.

- News24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 10-18°C Sunny. Mild. Pta: 9-24°C Sunny. Mild.
Jhb: 7-20°C Sunny. Mild. Bloem: 4-20°C Sunny. Mild.
Dbn: 17-22°C Partly cloudy. Cool. PE: 12-20°C Morning clouds. Mild.
Isibikezelo sezulu sezinsuku ezingu-7...