Kugxekiwe ukubulawa kwamadoda amane ehostela KwaMashu

2017-11-08 14:01

Durban - IBamba likaKhomishana wamaPhoyisa aKwaZulu-Natal, uMajor General Bheki Langa, ukugxekile ukudutshulwa kubulawe amadoda amane ehostela KwaMashu ngoMsombuluko ebusuku.

"Asihambisani nodlame esifundazweni, ngisho nasemahostela imbala. Izigameko ezifana nalezi yizo ezinomthelela ekutheni zibekwe eqhulwini izigameko zokubulawa kwabantu esifundazweni.

"Okwamanje akucaci ukuthi kube yini imbangela yesigameko, kodwa sizoqinisekisa ukuthi leli cala liyaphenywa siphinde siqinisekise nokuthi izigilamkhuba zibhekana nengalo yomthetho," esho.

OLUNYE UDABA:Sekuphinde kwabulawa omunye umuntu ehostela laseMlazi

NgoMsombuluko ngezithuba zabo-20:45, izidumbu zamadoda amane aneminyaka ephakathi kwengu-23 nengu-42 ubudala zitholakale zinamanxeba okudutshulwa esigcemeni sakwa-A, KwaMashu.

Imbangela yesigameko ayaziwa okwamanje, icala liyaphenywa.

Ngokwesitatimende samaphoyisa, ukubulawa kwala bantu kuphenywa yiProvincial Task Team eqokwe yibamba likakhomishana esifundazweni.

Ukubulawa kwabantu emahostela ase-KZN kubukeka kudlangile kulezi zinsuku.

- News24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 15-22°C High level clouds. Cool. Pta: 14-27°C Passing showers. More clouds than sun. Warm.
Jhb: 13-23°C Passing showers. Morning clouds. Mild. Bloem: 15-31°C Sunny. Pleasantly warm.
Dbn: 16-19°C a few showers. More clouds than sun. Cool. PE: 13-20°C Scattered clouds. Cool.
Isibikezelo sezulu sezinsuku ezingu-7...