Kudutshulwe kwalimala onogada ababili

2017-03-18 14:05

Johannesburg - Kulimale kabi onogada ababili esehlakalweni sokuzama ukuphanga kuhlonyiwe esenzeke eBenrose eGoli ekuseni ngoMgqibelo.

I-ER24 ithi kukholakala ukuthi onogada ababili, okukholakala ukuthi baneminyaka ephakathi kuka-40 no-50 ubudala, balimale kabi emilenzeni ngemuva kokuba izigebengi ezintathu zibadubule amahlandla amahlanu.

“Isigameko sokuphanga kubukeka sengathi senzeke ngesikhathi onogada beqaphe ngasemzileni wesitimela ngezithuba zabo-02:00 ekuseni,” kusho okhulumela i-ER24 u-Annine Dormehl.

OLUNYE UDABA: Ingane iminze ebhakedeni yashona

“Abosizo lokuqala be-ER24 babiziwe ukuba bazosiza, bebizwa ngabezimo eziphuthumayo esifundazweni.

“Zombili izisulu ziphuthunyiswe e-Union hospital ngabezimo eziphuthumayo.

“Iziphathimandla zizokwenza uphenyo ngesigameko,” kusho uDormehl.

 - Sowetanlive

- News 24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 10-15°C Sunny. Cool. Pta: 5-19°C Sunny. Mild.
Jhb: 2-15°C Morning clouds. Cool. Bloem: -4-18°C Sunny. Mild.
Dbn: 12-20°C Mostly sunny. Cool. PE: 6-17°C Morning clouds. Cool.
Isibikezelo sezulu sezinsuku ezingu-7...