Kudutshulwe kwabulawa owesimame eyokhokhela umngcwabo KwaDukuza

2017-02-17 14:02

kwaDukuza - Amaphoyisa aKwaDukuza athungatha abasolwa abadubule babulala owesimame bezama ukumgebenga.

Ngokwemibiko etholakele, abasolwa abathathu bahlasele owesimame KwaDukuza ngoLwesine emini emgwaqeni uKing Shaka.

Kuthiwa lo wesimame ubesanda kukhipha imali eyokhokhela abasemakhazeni ngesikhathi ehlaselwa abasolwa.

OLUNYE UDABA:Kudutshulwe owesilisa kwagazwa owesimame kwesokuphanga

Laba basolwa badonse isikhwama salo mama ngenkani, kwathi uma enqaba naso abasolwa bamdubula.

Kulesi sigameko kudubuleke nomunye umuntu obezihambela emgwaqeni, kodwa ngenhlanhla uphuthunyiswe esibhedlela esaphila.

Abasolwa bathathe lesi sikhwama babaleka ngemoto.

Amaphoyisa aphenya amacala okubulala, ukuzama ukubulala kanye nelokugebenga esiteshini samaphoyisa KwaDukuza.

- News24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 10-15°C Rain early. Morning clouds. Cool. Pta: 5-21°C Mostly sunny. Mild.
Jhb: 6-17°C Mostly sunny. Mild. Bloem: 4-17°C Passing showers. More clouds than sun. Refreshingly cool.
Dbn: 15-26°C Sunny. Mild. PE: 12-18°C More clouds than sun. Mild.
Isibikezelo sezulu sezinsuku ezingu-7...