Kuboshwe udokotela wezingane ngezinsolo zokunukubeza ngokocansi

2017-07-14 18:00

Cape Town – Abesifazane ababili sebevulele udokotela wezingane wase-East London icala ngezinsolo zokubanukubeza ngokocansi lapho esebenzela khona.

Le ndoda, eneminyaka engu-64 ubudala, ongeke lidalulwe igama layo ngenxa yamacala ebekwe wona, zimkhalele ngasekupheleni kukaMeyi ngemuva kokuthi laba besifazane bemvulele amacala esiteshini samaphoyisa esiseBeacon Bay.

Amaphoyisa ophiko lwe-Family violence, child protection and sexual offences, yiwo aphenya la macala, kusho okhulumela amaphoyisa uCaptain Nkosikho Mzuku ngoLwesihlanu.

OLUNYE UDABA: Kuboshwe udokotela ngelokudlwengula isiguli

Laba besifazane abaneminyaka engu-23 no-26 ubudala, kukholakala ukuthi babehambele lo dokotela belethe izingane zabo ngesikhathi ebadlwengula.

Ngemuva kokuvela enkantolo, lo dokotela unikezwe ibheyili ka-R5 000.

Okhulumela iNational Prosecuting Authority, uTsepo Ndwalaza, uthe lo dokotela uvele enkantolo ngoLwesithathu.

Icala abhekene nalo libe selihlehliselwa inyanga ezayo ukuze kuqhubeke uphenyo.

- News 24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 16-20°C Rain late. Mostly cloudy. Mild. Pta: 11-27°C Sunny. Pleasantly warm.
Jhb: 9-24°C Sunny. Mild. Bloem: 6-25°C Sunny. Mild.
Dbn: 17-27°C Sunny. Warm. PE: 12-25°C Sunny. Mild.
Isibikezelo sezulu sezinsuku ezingu-7...